Bayern Munich dhe Arijon Ibrahimovic kanë vazhduar bashkëpunimin, duke nënshkruar një kontratë të re profesionale deri më 30 qershor 2027.
Sulmuesi 18-vjeçar ka qenë me kampionët rekord të Gjermanisë që nga viti 2018.
Sezonin e kaluar lojtari shqiptar kaloi në huazim te Frosinone në Serie A të Italisë dhe do të jetë pjesë e planeve të skuadrës së parë në të ardhmen, nën drejtimin e Vincent Kompany.
Ibrahimovic u transferua në akademinë e Bavarezëve në verën e vitit 2018 nga Nurnberg. Ai ka shënuar gjithsej 28 gola në 52 paraqitje konkurruese për ekipet U17 dhe U19.
Ai gjithashtu ka luajtur 11 ndeshje për ekipin rezervë në Regionalliga Bavaria, ku ka shënuar katër gola, dhe deri më tani ka bërë një paraqitje për ekipin e parë. /Telegrafi/
✍️ 2️⃣0️⃣2️⃣7️⃣♦️
All reactions: https://t.co/PVyxZroei6 #FCBayern #MiaSanMia #Ibrahimović2027 pic.twitter.com/BCVLqOJVUI
— FC Bayern Munich (@FCBayernEN) July 2, 2024