Napoli ka konfirmuar edhe zyrtarisht emërimin e Antonio Contes si trajner të ri të ekipit, duke nënshkruar kontratë trevjeçare.
Pas përfundimit në pozitën e dhjetë në sezonin e fundit në Serie A dhe ndryshimit të tre trajnerëve brenda sezonit, Napoli u desh të bënte ndryshime rrënjësore.
Kështu, klubi napolitan ka vendosur të emëroj një trajner të madh në krye të ekipit, për të kthyer Napolin në garë për pozitat e para dhe garat evropiane.
Faqja zyrtare e klubit nga “Diego Armando Maradona Stadium” ka njoftuar arritjen e marrëveshjes me trajnerin e mirënjohur italian, Antonio Conte.
Un nuovo capitolo della nostra Storia inizia oggi.
Benvenuto Mister Conte! 💙Leggi la news 👉 https://t.co/e0FNt4l6Aw
#ConTe #ForzaNapoliSempre pic.twitter.com/gBTBhyZTwd— Official SSC Napoli (@sscnapoli) June 5, 2024
Klubi italian ka njoftuar emërimin e Contes si trajner të ri dhe nënshkrimin e një kontrate të vlefshme deri në verën e vitit 2027.
Conte në të kaluarën ka drejtuar me shumë sukses Juventusin, Chelsean dhe Interin, ku me tri skuadrat ka fituar titullin e ligës, ndërsa së fundmi drejtoi Tottenham Hotspur.
54-vjecari në të kaluarën ka drejtuar edhe Kombëtaren e Italisë. /Telegrafi/