Një zjarr i fuqishëm që ka shpërthyer mbrëmjen e së dielës në zonën malore të fshatrave Carralevë, Karaçicë dhe Dugë në komunën e Shtimes, ka shkaktuar dëme mjaftë të mëdha në sipërfaqën e pyjeve. Zjarrfikësit e kësaj komune gjatë gjithë natës të së dielës kanë qëndruar në këto zona malore derisa e kanë lokalizuar e gjithë zjarrin.
Komandanti i zjarrfikësve në Shtime, Bajram Gashi, ka thënë për Telegrafin se gjatë së dielës kanë intervenuar në gjashtë raste të zjarrve malore, andaj deri pas mesnatës kanë qëndruar në terren për ta lokalizuar gjendjen.
Ai i bën thirrje qytetarëve që mos të ndezin zjarre dhe ta ruajnë ambientin.
“Pas një dite të vështirë, kemi arritur ta lokalizojnë zjarrin dhe kemi parandaluar përhapjen e tij në zonat malore. Në këto lokalitete zjarri është përhapur në disa pjesë, mirëpo ne kemi qëndruar deri pas mesnatës në terren me të gjitha ekipet derisa e kemi lokalizuar e gjithë zjarrin dhe sot e kemi gjendjen e qetë. Zjarri i së dielës në viset malore të kësaj komune ka shkaktuar shqetësime për sigurinë e mjedisit natyror”, ka thënë Gashi./Telegrafi/