Site icon Telegrafi

“Zgjedhje të parakohshme”, opozita edhe sot bllokoi Kuvendin e Serbisë

Nol Elshani

Edhe sot në parlamentin serb ka pasur kaos dhe fyerje mes pozitës dhe opozitës, ku kjo e fundit po kërkon zgjedhje të parakohshme në të gjitha nivelet.

Opozita ka vijuar bllokimin e seancës, të cilën e ka nisur duke shfrytëzuar bilbilat për të bërë zhurmë, qëndrim përballë tavolinës së kryetarit dhe ngritje të pankartave, raporton nova.rs.

Në seancën e sotme të Kuvendit të Serbisë, anëtarët e njësisë për sigurinë e personave dhe objekteve të caktuara ruajtën përfaqësuesit e shumicës qeverisëse, si ministra.

Në një mesazh në platformën X, kryetarja e grupit parlamentar “Pravac Evropa” dhe nënkryetarja e Partisë Liri dhe Drejtësi, Marinika Tepiq ka shkruar se janë të rrethuar nga sigurimi në parlament dhe se ministri i Brendshëm, Bratislav Gashiq, solli më shumë se 30 persona për t’i sulmuar.

“Aktualisht në Kuvend! RTS nuk e transmeton këtë, dhe mediat e tjera nuk lejohen në sallë! Sigurimi na rrethoi, duke qëndruar me duar të lidhura në “zinxhirë” si kriminelë. Gashiqi na solli më shumë se 30 njerëz, sepse populli i do. Ju nuk keni nevojë ta mbroni Kuvendin nga ne, ne e mbrojmë nga dhuna juaj”, ka shkruar Tepiq.

Ndryshe, Qeveria e Serbisë sot ka zgjedhur ministrin e ri të Ekonomisë, Sllobodan Cvetkoviqin. /Telegrafi/

Exit mobile version