Jadon Sanchos është vendosur t’i dorëzohet një numër i ri i fanellës kur më në fund të njoftohet transferimi i tij në Manchester United nga Borussia Dortmund.
Transferimi i Sanchos te Unitedi po shkon drejt fundit, pasi klubi i Ligës Premier u përpoq kot të nënshkruante sulmuesin anësor verën e kaluar.
Klubi ra dakord për çmimin e transferimit me Dortmundin ndërsa lojtari ishte ende me Anglinë në Euro 2020, dhe vetëm testet mjekësore kanë mbetur për të kompletuar transferimin.
Tifozët kanë pritur për më shumë se një javë që marrëveshja të konfirmohet dhe, ndërsa ajo po shkon drejt fundit, ata duan ta dinë numrin që do ta mbajë Sancho.
Sipas mediumit The National News, me transferimin që duket të jetë çështje ditësh, tani është zbuluar, që Sancho do të veshë fanellën me numër 16.
Artikulli fillimisht kishte sugjeruar që 21-vjeçari mund të mbante numrin 7, të cilin e mbajti në Dortmund, por që atëherë është redaktuar duke e lënë më të qartë se çfarë numri fanelle do t’i jepet nënshkrimi i ri.
Ndërsa fanella me numër shtatë mund të konsiderohen më e përshtatshme për një anësor, ajo tashmë është veshur nga Edinson Cavani, ndërsa Anthony Martial mban numrin nëntë dhe Mason Greenwood atë 11.
Fanella me numër 16 mund të mos jetë veçanërisht ikonike në aspektin e futbollit, por në Old Trafford u bë legjendare nga ish-kapiteni Roy Keane.
Më vonë ajo u mbajte veshur gjithashtu nga një legjendë si Michael Carrick, i cili ende gjendet në klub në stafin e trajnerëve. /Telegrafi/