Ylli i Romës, Nicolo Zaniolo, mund të përballet me pasojat e gjestit ofendues kundrejt tifozëve të Lazios duke u gjobitur, pezulluar ose të dyja.
Nuk ka munguar tensioni në Stadio Olimpico në kuadër të Derby Della Capitale, ku futbollisti italian ishte zëvendësuar 15 minuta pa përfunduar takimi.
Gjatë daljes së tij drejt tunelit, një grup i tifozëve biancocelestë e kishin ofenduar Zaniolon, ndërsa ai ua ktheu me një gjest të vrazhdë.
https://twitter.com/ronaldmorgan_/status/1442213963836497925
Sipas Calciomercato.com, sjellja e 22-vjeçarit është raportuar nga delegati i federatës që ishte i pranishëm në ndeshje.
Pritet të shihet se cili do të jetë vendimi i Prokurorit të FIGC nëse do të ndërmarrë ndonjë veprim kundrejt Zaniolos, i cili mund të pezullohet me një apo më shumë ndeshje. /Telegrafi/