Ekipi i akademisë së ekipit NiP janë shpallur fitues të sezonit të gjashtë të ligës WePlay Academy League.
Në ligën WePlay Academy, 14 skuadra të akademisë garojnë për një grup çmimesh prej 100.000 dollarësh, ku bënë pjesë edhe ekipi OG Academy me lojtarin shqiptar Arbnor ‘Dementor’ Pacolli.
Sezonin e gjashtë fitues doli ekipi Young Ninjas, të cilët mposhtën ekipin Spirit Academy në ndeshjen finale me rezultat të përgjithshëm 2-1 me mapa.
Të dyja ekipet finaliste ishin pjesë e grupit B sa u zhvillua faza e grupeve në ligë, ku të dyja numëronin nga 27 pikë me nga nëntë fitore.
Të rinjtë nga Suedia në vendin e parë fituan çmimin prej 45.000 dollarësh, ndërsa ekipi ukrainas Team Spirit fitoi çmimin prej 20.000 dollarësh.
Në vendin e tretë përfundoi ekipi Na’Vi Junior të cilët fituan rreth 15.000 dollarë. /Telegrafi/