Trajneri i Lirisë, Nedim Yigit, është shprehur i lumtur me angazhimin e futbollistëve të tij pas barazimit 1-1 me ekipin e Prishtinës.
“Në secilën lojë kemi dhënë më të mirën. Lojtarët kanë luftuar mirë dhe çdo pikë që do ta marrim, do të jetë e mirëseardhur”, u prononcua fillimisht Yigit.
Në vazhdim, ai tha se me kalimin e kohës ekipit të tij do t’i rritet vetëbesimi dhe do të vijnë rezultatet.
“Jemi një ekip i ri në ligë dhe me kalimin e kohës, lojtarëve do t’u rritet vetëbesimi. Me Lirinë dua të sjell një ngjyrë të re në Superligë. Po punojmë intensivisht për këtë”, përfundoi Yigit.
Liria momentalisht gjendet në pozitën e 6-të në tabelën e klasifikimit teksa pas pesë ndeshjeve ata numërojnë 6 pikë, teksa në ndeshjen e radhës do të jenë nikoqir i Feronikelit’74 në stadiumin “Përparim Thaçi”./Telegrafi/