Xportal ka hapur regjistrimet për ekipet e interesuara në turneun e Dota 2, në kuadër të edicionit të dytë të festivalit XP GAME FEST.
Në turneun e këtij viti në Dota 2, janë ftuar tri super ekipe, ekipi më i mirë nga Kosova, Shqipëria dhe Maqedonia.
Në turneun kualifikues i cili fillon me datën 14 maj nga ora 14:00, ekipi më i mirë do të këtë mundësin t’i bashkohet tri ekipeve të ftuara për në turneun kryesor LAN.
Tri ekipet e ftuara dhe ekipi fitues në turneun kualifikues do të përballen në një turne LAN në formatin ‘Bo3’, në Amfiteatrin e sheshit “Zahir Pajaziti” në Prishtinë me datën 24 maj.
Rreth 3.000 euro shpërblime do të ndahen për katër ekipet pjesëmarrëse në turneun kryesor.
Të gjitha ndeshjet mund t’i ndiqni në kanalin zyrtar të Xportal në Twitch, ndërsa turneu kryesor do të shfaqet edhe në kanalet e sportit të Artmotion.
Të gjithë të interesuarit për pjesëmarrje mund të regjistrohen këtu: https://bit.ly/DotaKallim2022
/Telegrafi/