Turneut të CS:GO i organizuar në kuadër të XP GAME FEST, nga XportalEsports me partnerë, në sheshin Zahir Pajaziti në Prishtinë i ka ardhur fundi, pas super ndeshjeve të luajtura përballë publikut.
Fitues i këtij turneu doli ekipi nga Maqedonia, BlueJays pasi mposhti në finale ekipin shqiptar, BLINK, me rezultat të përgjithshëm 2:0 me mapa.
Ndeshja finale ishte shumë interesante, dhe plot me emocione para publikut, lojtarët e të dyja ekipeve treguan një ndeshje fantastike në skenën e XP GAME FEST, CSGO CHAMPS.
Mapi i parë përfundoj me rezultat 16:10, në të mirë të ekipit BlueJays, ndërsa mapi i dytë ishte edhe më emocionues ku pas disa vazhdimesh fitues doli ekipi BlueJays, të cilët fituan edhe çmimin e vendit të parë prej 5.000 euro.
Ndërsa ekipi BLINK në vendin e dytë morën me vete çmimin prej 2.000 euro.
Kjo është renditja dhe çmimet e katër vendeve të para në turneun e CS:GO të XP GAME FEST 2022:
1.BlueJays – 5.000 euro
2.BLINK – 2.000 euro
3/4. Illyrians – 500 euro
3/4. XTEAM – 500 euro
/Telegrafi/