Werder Bremen nën regjinë e Milot Rashicës ka shënuar fitore me rezultat të thellë 6-1 ndaj Koln.
Kjo fitore ia ka siguruar pozitën e 16-të Werderit, që tani do të luajë ndeshjet e barazhit për mbijetesë në Bundesligë.
Werder Bremen e nisi herët me gola, pasi shënoi Yuya Osako për 1-0.
Rashica shënoi një gol në minutën e 27-të për 2-0, që ishte aksion individual i bukur.
Milot Rashica’s beauty against Köln!
🌟🌟🌟 pic.twitter.com/0mxyFdVBOb
— Kosovans Abroad (@KosovansAbroad) June 27, 2020
Ai ishte meritor edhe tek goli i katërt, i pesti dhe i gjashtë i Werderit.
Fillimisht goli i katërt erdhi pas goditjes së tij, nga topi i kthyer shënoi Davy Klaassen (4-0).
Ai e nisi edhe aksionin e goli të pestë që u shënua nga Osaka, pasi dërgoi një top të bukur te Gebre Selassie.
Duhet të ceket që ylli ynë gaboi te goli i vetëm i Koln, pasi Rashica ktheu një top prapa që u kthye për asistim për sulmuesin e Koln, Dominick Drexler, që shënoi për 5-1.
Tek goli i gjashtë Milot Rashica ishte brilant. Në duel me dy mbrojtës, ai rrëzohet, por ashtu në tok pason një top të bukur për Joshua Sargent që shënoi për 6-1.
Le 4ème but de la saison pour Sargent 🇺🇸 qui porte le score du Werder Brême à 6-1 !
Place aux barrages pour se maintenir ! 💪🏻 pic.twitter.com/g5AxQ3qHps https://t.co/GBfhWaXRQm— Arnaud_S7📝⭐️⚽️ (@ArnaudSalas) June 27, 2020
Tani Werder Bremen do të luajë dy ndeshje barazh, ku pret njërin nga kundërshtarët, Heindeheim apo Hamburg që luajnë për vendin e tretë në Bundesliga 2 dhe kanë edhe nga një ndeshje. /Telegrafi/