Ish-trajneri i Arsenalit, Arsene Wenger, i cili tani është shefi i zhvillimit të futbollit global të FIFA-s, ka shpjeguar pse do të ketë më shumë Kupa të Botës në dimër.
Historia është bërë në vitin 2022, me një Kupë Bote që u organizua në mesin e sezonit për herë të parë, ndërsa po ashtu shkon në Lindjen e Mesme në Katar.
Kampionati Botëror konsiderohet të ketë qenë një sukses, me shumë tronditje që kanë mbajtur të argëtuar një audiencë mbarëbotërore dhe Wenger thotë se mbështetësit dhe lojtarët duhet të mësohen me një orar të tillë pasi hartohen planet për turnetë e ardhshëm.
“Nëse duam të demokratizojmë futbollin, do të duhet të shkojmë në vendet afrikane ku është e pamundur të luash një Kupë të Botës në verë. Mund ta shohim me këtë edicion në Katar, një Botëror në dimër”, ka thënë fillimisht Wenger për L’Equipe.
“Sigurisht, shumë lojtarë nuk patën kohën e zakonshme për t’u përgatitur fizikisht, por të paktën të gjithë iu afruan kësaj gare me një freski të vërtetë mendore, gjë që nuk ka qenë gjithmonë kështu në të kaluarën”.
“Më kujtohet se skuadrat filluan një Botëror të lodhur psikologjikisht sepse periudha e tyre përgatitore kishte shkuar keq”.
Wenger ka sugjeruar më parë që Kupa e Botës duhet të mbahet çdo dy vjet , por tani pranon se një ndryshim kaq rrënjësor në kalendarin ndërkombëtar nuk do të funksiononte.
“Më kishin kërkuar të mendoja për këtë dhe mendova se nuk ishte një ide e keqe. Por një ndryshim i tillë do të kërkonte një rishikim të plotë të kalendarit kualifikues. Sot nuk po shkojmë drejt kësaj, por drejt cikleve katërvjeçare të alternuara me Kupën e Botës, Kupën e Botës për Femra – e cila po bëhet gjithnjë e më e rëndësishme – dhe Evropianin”, përfundoi francezi.
Kupa e ardhshme e Botës do të zhvillohet në vitin 2026 – kur ngjarja kryesore e FIFA-s do të organizohet nga Shtetet e Bashkuara, Kanadaja dhe Meksika – ndërsa do të ketë një tjetër Kampionat Evropian më parë në vitin 2024, i cili do të zhvillohet në tokën gjermane. /Telegrafi/