Cristiano Ronaldo vazhdon të jetë emri më i përfolur në Angli, por këtë vit jo për golat e tij apo ndeshjet e mira.
Ylli portugez ka shkaktuar polemika të mëdha këtë edicion te Manchester United, derisa ka marrë kritika të mëdha edhe nga ish-shokët e skuadrës së tij.
I fundit që nuk ka kursyer kritikat për ish-shokun e tij ka qenë golashënuesi më i mirë në historinë e Djajve të Kuq, Wayne Rooney.
Aktualisht trajneri i DC United ka thënë se United është një ekip më i mirë pa Ronalodon, teksa ka thënë se sjellja e portugezit është e papranueshme.
“Manchester United nuk është një ekip më i mirë me Ronaldon. Ai dhe Messi janë padyshim lojtarët më të mirë të të gjitha kohërave, por mendoj se sjellja e Cristianos ndaj Djajve të Kuq, që nga fillimi i sezonit e deri tani, është e papranueshme”, deklaroi Rooney.
Tutje ish-reprezentuesi anglez ka thënë se Roy Keane e ka mbrojtur Ronaldon, por vet irlandezi nuk do ta pranonte fare sjelljen e portugezit në dhomat e zhveshjes.
“Kam dëgjuar Roy Keane, ai e mbronte Cristianon, por vetë Roy nuk do ta pranonte fare një njeri të tillë në dhomat e zhveshjes. Ronaldo sot i shkakton shpërqendrim skuadrës”.
“Ai duhet të ulë kokën dhe të punojë, kjo është e vetmja mënyrë që të jetë gati kur trajneri të ketë nevojë për të”, deklaroi golashënuesi më i mirë në historinë e klubit anglez. /Telegrafi/