Në një pr0ces gjyqësor në Japoni të filluar në maj të këtij viti, 80-vjeçari Susum Tomizava ka pranuar se dy vite më parë ka mbytur nipin Tomom, 16-vjeç, por ka shtuar se nuk i kujtohet si e ka bërë.
Tomizava vuan nga Alzhajmeri, një çrregullim neurologjik që shkatërron neuronet. Avokatët e tij thanë gjatë gjykimit se ai nuk duhet të bartë përgjegjësinë për këtë vepër, pasi sëmundja e tij shkakton demencën, që i bie se ai harron se çfarë ka bërë, transmeton Telegrafi.
“Gjatë kohës së incidentit, për shkak të demencës dhe alkoolit, nuk e ka ditur se çfarë po bën”, shtuan avokatët e tij mbrojtës, transmeton Telegrafi.
Megjithatë, gjykata në Fukui nuk është pajtuar me konstatimet e tyre. Tomizava gjatë 31 majit është dënuar me katër vite e gjysmë burgim për vrasje. E ky rast shokoi opinionin në Japoni, vend ky ku numri i popullatës së moshuar çdo ditë e më shumë po vuan nga demenca, shkruan CNN.
Tomizava dhe Tomom kishin jetuar në një shtëpi në Fukui, Në natën e 9 shtatorit të vitit 2020 ishin grindur, ku më pas kishte mbytur nipin.
Ai thotë se i kujtohet vetëm se atë natë kishte pirë shumë verë. Por grindja e kishte nervozuar shumë, duke marrë një thikë kuzhine me gjatësi prej 17 centimetrave, me të cilën i fut në dhomën e gjumit të Tomimit duke e therur disa herë në qafë.
Tomizava kishte thirrur me vonë djalin e tij të madh duke i thënë se ka gjetur trupin e Tomomit të mbuluar në gjak. Në vendin e ngjarjes shpejt ishte shfaqur edhe policia që arrestoi të moshuarin.
Gjendja mendore e Tomizavos ka qenë fokusi kryesor gjatë gjykimit, pasi mjekët, avokatët dhe gjykatësit kishin debatuar lidhur me atë nëse gjyshi ishte i vetëdijshëm që ka mbytur nipin.
Mjekët që kishin vlerësuar gjendjen e tij, konsiderojnë se ai ka pasur motiv për të kryer vrasjen.
“Bëhet fjalë për një veprim të qëllimshëm, por në ato momente ka pasur për qëllim ta mbytë nipin”, tha psikiatri i forenzikës, Hiroki Nakagava.
Gjykatësit thanë se i moshuari ka qenë në gjendje të kontroll veprimet e tij dhe posedonte “aftësi për gjykimin mes aktivitetit të keq dhe atij të mirë – pavarësisht sëmundjes që ka”. /Telegrafi/