Ambasadori i SHBA-ve në Beograd, Christopher Hill është gjendur në një situatë të palakueshme, derisa po shëtiste rrugëve të kryeqytetit të Serbisë, së bashku me bashkëshorten e tij.
Hill është sulmuar verbalisht nga disa gra, të cilat përdorin fjalë të rënda në drejtim të tij.
Gratë protestuese, identiteti i të cilave deri më tash nuk dihet, i janë drejtuar ambasadorit Hill duke i thënë se Serbia nuk do t’ia falë kurrë SHBA-së atë që bëri me bombardimet në vitin 1999.
“Ne nuk do t’ju falim kurrë për krimet tuaja. Ky është një pushtues dhe një vrasës”, shprehen ato në videon 5 minutëshe e cila është shpërndarë gjithandej në rrejtet sociale, shkruan Telegrafi.
“Vrasësi po shëtit nëpër Beograd, i ftohtë si vdekja”, ” vrasësi i fëmijëve”, ” Kosova është pjesë e Serbisë”, ” Populli serb është me Rusinë”, janë disa nga shprehjet tjera që përdorin gratë në drejtim të ambasadorit Hill.
Ambasadori nuk ka reaguar për asnjë moment, derisa kohë pas kohe ka kontrolluar telefonin e tij.
Hill ishte njëri nga negociatorët amerikanë që kishte provuar të gjejë një zgjidhje paqësore për Kosovën e Serbinë. Por, Millosheviq i kishte hedhur poshtë të gjitha ofertat që kishte çuar në bombardimin e Republikës Federale të Jugosllavisë. /Telegrafi/
KRISTOFER HILL DOBIO LEKCIJU U BEOGRADU…(deo2) #kristoferhill #UjedinjeniNarodSrbije