Njëra nga ndeshjet më interesante të xhiros së 8-të në kuadër të Superligës së Maqedonisë së Veriut është ajo që do të zhvillohet nesër në qytetin e Ohrit, ndërmjet Voska Sportit dhe Shkupit.
Nga tabori i ekipit debutues në elitë, ka folur mbrojtësi Fatih Ismaili, por për të njejtin kjo ndeshje është tejet e vështirë dhe emocionuese, pasi përballet ndaj ish-skuadrës së tij, tek të cilët ishte kapiten dhe riktheu titullin e kampionët pas 21 viteve.
“Një ndeshje shumë e vështirë për ne si skuadër, por edhe për mua personalisht. Do luaj ndaj ish skuadrës time, aty ku kam kaluar momentet më të mira të karrierës. Megjithatë futbolli këtë e ka, një ditë je me një skuadër, një ditë tjetër në një skuadër ndryshe. Tash unë jam pjesë e Voska Sport dhe normal që do luftojë për këtë fanellë. Si skuadër mendoj se kemi potencial dhe forcë për të surprizuar ekipin e FC Shkupit, mirëpo kjo do varet gjithnjë edhe nga qasja jonë në lojë dhe përmbushja e kërkesave të trajnerit. Nëse këto dy gjëra plotësojmë në përpikshmëri, besoj se në fund mund të arrijmë një rezultat pozitiv ndaj FC Shkupit.”, ka thënë Fatih Ismaili.
Ndeshja ndërmjet Voska Sport – Shkupi do të luhet nesër në stadiumin e qytetit të Ohrit, duke nisur nga ora 15:00. /Telegrafi/