Inter

Luca Castellazi – 6.0

Luca zëvëndësoi Julio Cesarin dhe përkundër faktit se nuk kishte shumë punë, ai nuk mundi të ndikonte në penaltinë e Ibrahimovic.

Ivan Ramiro Cordoba – 6.0

Filloi si mbrojtës i krahut të djathtë dhe më vonë u kthye në qendër të mbrojtjes, duke qenë më shumë kompetent se sa spektakolar në punën e bërë. Bëri një intervenim fenomenal kur mohoi golin e Flaminis në pjesën e parë.

Lucio – 7.0

Ishte i luhatshëm në pjesën e parë, ndoshta për shkak të prezencës së Materazzit, por me kalimin e kohës e tregoi se pse është një prej mbrojtëve më elitarë.

Marco Materazzi – 5.5

37 vjeçari duket i harxhuar. E pati tejet të vështirë ndaj Ibrahimovicit para se të zëvëndësohej për shkak të lëndimit.

Cristian Chivu – 5.5

Mbrojtësi i majtë i molisur tentoi t’i kontribonte sulmit, por ishte katastrofal në pasime dhe është zënë jashtë pozicionit të tij në shumë raste.

Javier Zanetti – 6.0

Legjenda e Interit nuk ishte në nivelin e tij të zakonshëm.

Obi – 5.5

Tentoi të bënte impaktin në fushë, por këtë në momentin kur Milani dominoi. U zëvëndësua nga Coutinho në minutën e 36-të.

Dejan Stankovic – 6.0

Tentoi ta shpiente përpara ekipin dhe goditi disa herë jashtë portës. Si Zanetti edhe mesfushori serb ishte jashtë kontrollit.

Wesley Sneijder – 7.0

Sneijder ishte njeriu që tentoi ta rikthente në lojë Interin. Goditi disa herë duke testuar Abbiatin, por ekipet tashmë e kanë kuptuar se nëse ndalin Sneijderin mund ta ndalin Interin, taktikë që u tregua e suksesshme deri në këtë pikë.

Diego Milito – 5.0 (Dështimi i ndeshjes)

A është vërtet ky njeriu që shënoi gola aq krucialë sezonin e kaluar? I zhvendosur nga sistemi në pjesën e parë ku ishte i padukshëm, u zëvëndësua me të filluar pjesa e dytë.

Eto’o – 6.0

Kamerunasi u zhvendos në krah ku tentoi ta tejkalonte Abaten dhe përpos një ndërhyrjeje në rastin e parë të treguar për të, Eto’o nuk arriti t’i kundërvihej mbrojtësit të ri.

Zëvëndësuesit

Jonathan Biabiany – 5.5

Francezi zëvëndësoi të lënduarin Materazzi, duke tentuar të depërtojë, me ç’rast ishte tejet i pasuksesshëm.

Goran Pandev – 6.0

Zëvëndësoi Militon pas pjesës së parë dhe ishte më i mirë se argjentinasi, por nuk arriti ta shënonte golin e barazimit.

Coutinho – 6.0

Zuri vendin e Obit në pjesën e parë dhe bëri impakt të madh, megjithëse vuajti ndaj mbrojtjes së Milanit në pjesën e ytë.

Milan

Christian Abbiati – 6.5

Bëri disa intervenime të mira të goditjeve nga Sneijder, por nuk u testua pothuajse fare nga një sulm i Interit, që dështoi ta thyente mbrojtjen e Milanit.

Ignazio Abbate – 6.0

Mbrojtësi i krahut të djathtë shfaqi paraqitje mjaft impresive, përpos kartonit të tij të kuq. Ia arriti ta fitojë luftën ndaj Samuel Eto’os.

Thiago Silva – 7.5

Vërtet ishte çelik, sidomos në fund të ndeshjes ku Interi dominoi. Bëri disa ndërhyrje të forta dhe intervenime të mira në ajër.

Alessandro Nesta – 7.0

Shfrytëzoi gjithë përvojën që pati përkrah të riut Thiago Silva. E pati në xhep Militon gjatë gjithë pjesës së parë.

Gianluca Zambrotta – 6.5

Filloi si mbrojtës i majtë dhe më pas u zhvendos në krahun e Abates pas kartonit të kuq. Paraqitje mjaft e mirë.

Matthieu Flamini – 6.5

I dha zemër skuadrës së tij në mesfushë dhe tentoi të shkonte përpara në sulme, duke dështuar të shënojë në një rast të qind për qindtë.

Massimo Ambrosini – 7.5

Kapiteni i Milanit bëri punë të jashtëzakonshme në mesfushë. Mbylli kundërshtarin dhe luajti rol vendimtar në kufizimin e mundësive të Interit për të penetruar në mbrojtjen e skuadrës së tij.

Gennaro Gattuso – 5.5

Mesfushori gjaknxehtë kishte fat të jashtëzakonshëm që nuk u përjashtua, kurse u nxor pas pjesës së parë për të mirën e tij.

Clarence Seedorf – 7.0

I ishte dhënë rol i lirë prapa sulmuesve, por si zakonisht shfaqi paraqitje të mirë, sidomos në krahun e majtë. Shfrytëzoi gjithë përvojën e tij për të ulur tempon në momente vendimtare dhe ishte fantastik në pjesën e parë.

Robinho – 6.5

Shpejtësia dhe lëvizshmëria e Robinhos i shkaktuan mbrojtjes së Interit shumë probleme. Ishte sakrifikuar pas përjashtimit të Abates.

Zlatan Ibrahimovic – 8.0 (Njeriu i ndeshjes)

Heroi i Milanit. Shënoi penaltinë e rëndësishme dhe mbajti topin në mënyrë perfide për të shmangur presionin ndaj skuadrës së tij. U ndëshkua me karton të verdhë pas ndërhyrjes së ashpër ndaj Materazzit, por ishte pa dyshim ylli i mbrëmjes.

Zëvëndësuesit

Luca Antonini – 6.0

Mbrojtësi i krahut të majtë u fut në ndeshje në kohën kur skuadra e tij ishte në mbrojtje të rezultatit.

Kevin Prince Boateng – 5.5

Zëvëndësoi Seedorfin në minutën e 73-të, ndërsa bëri punën e tij në sigurimin e tri pikëve.

Andrea Pirlo – 6.5

Zuri vendin e Gattusos pasi mesfushori temperament ishte pranë përjashtimit dhe i ndihmoi skuadrës së tij në fitoren e madhe.
 

 

/Telegrafi/