Ekipi Vitality ka siguruar pjesëmarrjen në çerekfinale të Blast Premier, pasi mposhti ekipin brazilian paiN.
Ndeshja e cila u zhvillua në formatin ‘Bo3’, përfundoj me rezultat të përgjithshëm 2-1 me mapa në të mirë të ekipit Vitality.
Edhe pse favorit i kësaj ndeshje ishte ekipi Vitality, ekipi paiN i beri probleme pasi arriti që të fitoi mapin e dytë me rezultat 16-12.
Ndërsa në dy mapat e tjera ekipi Vitality fitoi me lehtësi, 16-3 dhe 16-4.
Lojtari më i dalluar në këtë ndeshje ishte ylli i ekipit Vitality, Mathieu ‘ZywOo’ Herbaut, me vlerësimin nga HLTV 1.47.
Tani ekipi Vitality në ndeshjen e radhës e pret vendin e dytë të grupit B. /Telegrafi/