Zhvilluesi dhe botuesi i lojërave Epic Games ka njoftuar turneun FNCS Invitational 2022 Fortnite, ngjarja e parë LAN e lojës që nga viti 2019.
Turneu i Fortnite, FNCS Invitational 2022 do të mbahet me datat 12 dhe 13 nëntor në Raleigh të Shteteve të Bashkuara, ajo shënon ngjarjen e parë të madhe LAN të Fortnite që nga fillimi i pandemisë COVID-19.
Ngjarja do të zhvillohet me ekipe me nga dy lojtarë (duos), të cilët do të garojnë për një grup çmimesh rreth 1 milion dollarë.
FNCS Invitational në bashkëpunim me organizatorin e turneve BLAST do të shohë një përzgjedhje të ekipeve më të mira (duos) të FNCS nga e gjithë bota të konkurrojnë në një turne të vetëm. /Telegrafi/