Pandemia coronavirus ka prekur gjithë botën, por padyshim Italia mbetet zona më e rrezikshme momentalisht.
Kjo pandemi ka prekur edhe futbollistët dhe klubet e ndryshme, teksa shumica nga ta janë në karantinë.
Shteti italian ka dhënë urdhër që të gjithë të qëndrojnë nëpër shtëpi, teksa kjo gjendje nuk po i pëlqen askujt.
Napoli njihet si njëri nga klubet me tifozët më të flaktë dhe edhe në këtë gjendje qytetarët e Napolit nuk e ndalojnë këngën.
Një video që është bërë virale në rrjetet sociale shihen tifozët napolitanë teksa këndojnë nga ballkonet e tyre.
“Njerëzit si ne nuk dorëzohen kurrë”, dëgjohen tifozët e Napolit duke kënduar.
Kjo video tregon më së miri se edhe pse të izoluar, italianët nuk kanë humbur vullnetin për ta kaluar këtë sfidë.
Gjithsesi tifozët napolitanë kanë treguar se po u mungon jeta normale dhe ndeshjet e klubit të tyre të zemrës Napolit. /Telegrafi/
