Kryetari i parlamentit të Kosovës, Kadri Veseli ka reaguar për pranimin e Kosovës në FIFA.
Veseli ka shfrytëzuar faqen e tij zyrtare në rrjetin sociale Facebook për të bërë një urim për pranimin e Kosovës në FIFA.
Ai ka shkruar se Kosova ka arritur edhe një fitore të madhe në fushën e sportit.
“Kosova sapo arriti një fitore të re të madhe në fushën e sportit, duke u anëtarësuar në FIFA. Ky ishte një hap i rëndësishëm përpara në konsolidimin e mëtutjeshëm të imazhit dhe pozitës së Republikës së Kosovës në arenën ndërkombëtare”.
“Shumë shpejtë, mbarë bota, do ta shijoj futbollin e talentëve të panumërta të rinisë sonë”, ka shkruar Veseli. /Telegrafi/