Kreu i PDK-së, Kadri Veseli, i ka falënderuar përkrahësit, vullnetarët, aktivistët, kandidatët, strukturat dhe ekipin e PDK-së për punën gjatë kësaj fushate.
Përmes një postimi në llogarinë e tij në Facebook, Veseli ka kërkuar prej tyre që më 22 tetor, që bashkë me familjarët dhe miqtë e tyre, të dalin masivisht dhe të votojnë kandidatët e PDK-së për kryetarë dhe kandidatët e listës së PDK-së për kuvende komunale.
“Ju falënderoj përzemërsisht të gjithëve, ekipin e Partisë Demokratike të Kosovës, strukturat, kandidatët, aktivistët, vullnetarët e përkrahësit, për përkushtimin e jashtëzakonshëm dhe punën e palodhshme gjatë kësaj fushate.
Ju ftoj që më 22 tetor, bashkë me familjarët dhe miqtë tuaj, të dilni masivisht dhe t’i votoni kandidatët e PDK-së për kryetarë dhe kandidatët e listës së PDK-së për kuvende komunale.
Bashkë do t’u prijmë ndryshimeve të reja. Bashkë do të bëjmë edhe më shumë.
Votoni për Forcën e Ndryshimit. Votoni numrin 94”, ka shkruar Veseli.