Kryeministri me kohëzgjatjen më të gjatë në detyrë në botë, Princi Khalifa bin Salman Al Khalifa i Bahreinit, ka vdekur në moshën 84 vjeçare.
Princi Khalifa, i cili mori detyrën pasi Bahreini fitoi pavarësinë në vitin 1971, kishte qenë duke marrë trajtim në një spital në SHBA, raporton bbc.
Ai ishte një xhaxha për mbretin Hamad dhe kishte një rol të fuqishëm brenda familjes mbretërore, transmeton Telegrafi.
Princi u konsiderua si një njeri i ashpër dhe largimi i tij u kërkua nga protestuesit pro-demokracisë gjatë një kryengritje të dështuar të Pranverës Arabe në vitin 2011.
Ai tha se Pranvera Arabe kishte sjellë vetëm “vdekje, kaos dhe shkatërrim” dhe mohoi pretendimet se kishte bllokuar përpjekjet e reformës politike në Bahrein.
Analistët thonë se zgjedhja e pasardhësit do të sinjalizojë nëse Bahreini, i cili kohët e fundit ra dakord të normalizojë marrëdhëniet me Izraelin, po kërkon të hartojë një kurs të ri. /Telegrafi/