Janë duke vazhduar punimet për ndërtimin e urave në Açarevë dhe Tushilë të Skenderajt.
Këto ura, gjatë vërshimeve të janarit të vitit 2023 u dëmtuan nga një pjesë të tyre dhe infrastrukturës rrugore, shkruan Telegrafi.
“Komuna e Skenderajt është duke investuar në ndërtimin e urave të reja, në mënyrë që të krijohet edhe një herë mundësia e lidhjes së njerëzve mes vete, lagjeve dhe fshatrave”, thuhet në njoftim.
Kryetari i Komunës, Fadil Nura dhe drejtori për Urbanizëm dhe Mbrojtje të Ambientit, Driton Mulaj, kanë vizituar punimet që po zhvillohen në fshatin Açarevë dhe kanë bashkëbiseduar me banorët vendës, përkitazi me projektin në fjalë.
Thuhet se Komuna e Skenderajt i ka dhënë prioritet realizmit të projekteve kapitale në interes të qytetarëve. /Telegrafi/
