Jamie Vardy dhe Gary Cahill janë pensionuar prej kombëtares angleze të futbollit.
Sulmuesi Vardy dhe mbrojtësi Cahill kanë dashur në këtë formë t’ju japin më shumë hapësirë lojtarëve të rinj.
Sulmuesi i Leicester Cityt, Vardy – i cili është paraqitur në 26 ndeshje për kombëtaren – thotë se këtë ia ka konfirmuar edhe trajneri Gareth Southgate.
“Kjo ka qenë në mendje time për një kohë. Ja kam konfirmuar edhe trajnerit”, tha 31-vjeçari për The Guardian.
“Nuk po bëhem më i ri. Ai dëshiron ta bëjë një ekip me të rinj. Padyshim që kishte përfitime gjatë Kupës së Botës”.
Ai i ka thënë gjithashtu Southgatet se dëshiron të përqendrohet te klubi dhe familja.
Mbrojtësi i Chelseat, Cahill shënoi pesë gola në 61 paraqitje për Anglinë, duke bërë debutimin në vitin 2010.
“Unë po shoh një brez të ri dhe mendoj se është koha e përkryer për mua që të marr një hap të tillë”, tha Cahill për Chelsea TV.
“Unë kam qenë jashtëzakonisht i nderuar të luaj për vendin tim dhe kurrë nuk do t’ia mbyllja derën. Nëse i duhem kombëtares, sigurisht, jam në dispozicion”, tha ai. /Telegrafi/