Përfshirja e VAR-it në Ligën Premier pritej të sillte probleme te skuadrat, pasi gjyqtarët ende nuk janë mësuar me përdorimin e teknologjisë në futboll.
Sidoqoftë, dy javë që nga fillimi i sezonit të ri 2019/20 në ligën angleze, tifozët anglezë duan që VAR të largohet nga futbolli.
Video asistenti i gjyqtarëve është dizajnuar që ta bëjë futbollin më fer. Gjyqtarët me ndihmën e VAR-it do të jenë në gjendje të marrin vendime të drejta.
Një dilemë e madhe se VAR-i nuk po funksionin si duhet në Angli është edhe ndeshja e sotme në mes të Tottenham Hotspurit dhe Newcaslte United.
Newcastle fitoi me rezultat minimal 1-0, mirëpo gjyqtari Mike Dean nuk e akordoi një penallti për Spurs, pas ndërhyrjes që bëri Jamal Lascelles në Harry Kanen.
Dean dha mundësinë që rasti të shikohej në VAR, mirëpo në monitorin gjigant në stadium u shfaq që nuk kishte penallti, edhe pse ajo mund të shihej qartë se kishte të bënte me penallti. /Telegrafi/
https://www.youtube.com/watch?v=VHnaKQRMRDE