UEFA ka bërë të ditur se VAR do të shfrytëzohet në ndeshjet e Ligës së Kampionëve nga sezoni 2019/2020.
Po ashtu, UEFA ka konfirmuar përdorimin e VAR-it edhe në Kampionatin Evropian, Euro 2020.
Video Asistenti i Gjyqtarit (VAR) do të shfrytëzohet në shumicën e garave kryesore të UEFA-s sipas një komunikate nga shtëpia më e madhe evropiane e futbollit.
Ky konsiderohet hap i madh për UEFA-n pasi tashmë kjo teknologji ka gjetur përdorim në disa prej kampionateve më të rëndësishme.
Kampionati i Gjermanisë, i Italisë, i Belgjikës dhe i Francës ka kohë që kanë vendosur në përdorim VAR-in.
Teknologjia që konsiderohet si e shtrenjtë për t’u implementuar ka ndihmuar në përcaktimin e drejtë të rezultateve dhe eliminimin e gabimeve të gjyqtarëve.
Kujtojmë se FIFA kishte komunikuar kohë më parë se në Kampionatin Botëror valë VAR-it gabimet e gjyqtarëve janë minimizuar deri në 99.7 për qind.
VAR shpeshherë është kritikuar nga klubet për qasjen rigoroze dhe herë herë kontraverse. /Telegrafi/