Trajneri i Manchester United, Louis van Gaal ka deklaruar qartë se Leicester nuk ka asnjë shans për të fituar titullin kampion në “Old Trafford”.
“Dhelprat” do të shpalleshin kampion në Angli të dielën, në rast të një fitore në “Old Trafford”.
“Unë kam qenë ndër të parët që kam thënë se Leicester mund ta fitojë titullin, ndaj për mua nuk përbën ndonjë surprizë”.
“Por ata nuk kanë asnjë shans për ta fituar titullin të dielën në Old Trafford. Ne nuk mund t’i lejojmë ata të shpallen kampion në shtëpinë tonë. Nuk kemi ndër mend t’i prishim festën, vetëm t’ia shtyjmë për pak ditë”, ka thënë Luis van Gal.
Trajneri i United ka folur dhe për të ardhmen e tij në “Old Trafford”.
Ai mendon se nëse fiton kupën FA dhe arrin ta mbyllë sezonin në vendin e katërt, atëherë ai ka shumë shanse të vazhdojë të qëndrojë në detyrë.