Trajneri holandez, Louis Van Gaal, ka hedhur poshtë spekulimet se Marcus Rashford ia ka shpëtuar punën atij.
Rashford shënoi një sërë golash në ndeshjet e fundit, duke kontribuar në fitoret e Manchester United dhe Van Gaal thotë se meritat i ka ai për këtë.
“Unë kam lexuar se Rashford më shpëtoi. Jo, jo”.
“Rashford fitoi kohë falë politikave të mia dhe të klubit”.
“Këto politika vlejnë edhe për lojtarët e tjerë të rinj. Kjo është arsyeja pse nuk shpenzuam në janar. Politika jonë është që të kemi skuadër të vogël e t’u japim hapësirë lojtarëve të rinj”, deklaroi Van Gaal. /Telegrafi/