Pas një mungese prej një viti e gjysmë Valentino Rossi rikthehet në pole position dhe këtë e arriti në shtëpinë e tij në Mugello, ku me kohën rekord 1.46.208 mori vendin e parë në nisje për garën e së dielës.
Piloti pesarez ka gjetur formën e tij më të mire këtë fundjavë, duke fluturuar në kualifikueset e Çmimit të Madh të Italisë, garës së gjashtë sezonele të Moto GP.
Ky është pole position i 65 në karrierë për italianin që garon më Yamaha.
Rossi la pas dyshen e spanjollëve Lorenzo dhe Vinales që u ndanë me kohë shumë të ngushta me njëri-tjetrin.
Iannone dhe Petrucci me Suzuki dhe Ducati ndanë vendin e katër dhe të pestë.
Më tej vijnë Marquez, Dovizioso, Crutchlow, Zarco dhe Rins. /SS/
#MotoGP Qualifying 🏁@ValeYellow46 TAKES POLE! 🙌
The Doctor will start P1 ahead of @lorenzo99 and @maverickmack25 #ItalianGP pic.twitter.com/13ia0DMqzY
— MotoGP™🇮🇹🏁 (@MotoGP) June 2, 2018