Siç merret vesh, arsyeja për të vendosur këtë emër për vajzën e porsalindur ka ardhur pas rolit të rëndësishëm që rrjetet shoqërore kanë pasur në organizimin e demonstratave të cilat kanë çuar në rrëzimin e presidentit Hosni Mubarak, i cili ishte në pushtet për më shumë se 30 vjet.
Sipas TechCrunch thuhet se familja dhe fqinjët e Ibrahimit janë mbledhur të shfaqin mbështetjen e tyre të vazhdueshme për revolucionin i cili filloi përmes rrjeteve të ndryshme sociale, duke përfshirë edhe Facebook.
Në anën tjetër, thuhet se vajza e vogël Facebook ka pranuar shumë dhurata nga të rinjtë të cilët ishin shumë të gëzuar për ardhjen e saj në jetë, dhe posaçërisht me emrin e saj unik. / Telegrafi /