Nëse dëshironi që këmbët t’ju duken perfekt kur vishni xhinse apo gete, është e domosdoshme të punoni në formësimin dhe tendosjen e kofshëve.
Këto tri ushtrime do t’ju jenë krejtësisht të mjaftueshme, me kusht që ushtrimet t’i bëni drejt dhe me rregull, transmeton Telegrafi.
Hapat
Gjeni një karrige stabile apo tavolinë në të cilën mund ta vendosni këmbën e majtë, ashtu që gjuri të jetë nën këndin prej 90 gradësh.
Lëshoni këmbën në dysheme dhe bëni hapa me të djathtën, ashtu që shputa me tërë sipërfaqen të jetë në karrige.
Bëni nga 20 hapa me të dy këmbët.
Galiç
Nëse ju është tepër vështirë që njëkohësisht të bëni galiç dhe të mbani pesha, largoni peshat dhe bëni vetëm ushtrimet për këmbë. Qëndroni me këmbë të hapura tërësisht dhe gishtat paska ktheni nga ana e jashtme.
Merrni dy pesha, duart hapni anash ashtu që shuplakat të jenë të kthyera në drejtim të dyshemesë. Derisa jeni duke i mbajtur duart në lartësi të supeve, lakoni gjunjët derisa pulpat dhe pjesa e sipërme e kofshëve të jenë nën këndin prej 90 gradësh. Tendosni këmbët dhe lëshoni duart.
Përsëriteni këtë ushtrim 15 herë.
Ulur afër muri
Mbështetni shpinën për muri dhe largoni shputat nga muri rreth 20 centimetra, ndërsa këmbët mbani të hapura sa më shumë që të jetë e mundur. Duke lakuar këmbët, lehtë rrëshqitni me shpinë poshtë murit, derisa gjunjët të jenë në pozitën kënddrejtë.
Kofshët duhet të jenë paralel. Duke përdorur forcën e pjesës së sipërme të trupit, shtrini këmbën e majtë dhe mbajeni në atë pozitë 15 sekonda, pastaj lëshojeni.
Përsëriteni këtë, mirëpo tani me këmbën tjetër. Ushtrimin bëjeni rreth një minutë. /Telegrafi/