Universiteti “Kadri Zeka” në Gjilan, ka shpallur konkurs për emërim, riemërim dhe avancimin e personelit të rregullt akademik.
Konkursi është i shpallur për mësimdhënës në fakultetin e edukimit, juridikut, ekonomikut dhe shkencave kompjuterike.
Në fakultetin e edukimit kërkohet një mësimdhënës për lëndët e edukimit gjithëpërfshirës, vështirësitë në të nxënit (programi Arsimi Parashkollor); arsimi gjithëpërfshirës (master mësimdhënie dhe kurrikula në arsimin fillor ); praktika pedagogjike IV (programi arsimi fillor); edukimi në fëmijërinë e hershme (programi parashkollor, vlerësimi në arsim (master mësimdhënie e gjuhës dhe letërsisë shqipe).
Ndërsa, për fakultetin e juridikut kërkohen mësimdhënie për lëndët të së drejtës së procedurës penale – pjesa e posacme, e drejta e krahasuar, praktika profesionale, bashkëpunimi juridik ndërkombëtar në fushën penale, etika ligjore dhe profesionale, psikologjia gjyqësore.
Në ndërkohë, që edhe për fakultetin e ekonomikut kërkohet një mësimdhënës për lëndët të aftësisë së shkrimit në biznes (MMSh), aftësi të shkrimit në biznes (FKA), përgjegjësia sociale e korporatave, komunikimi në biznes, sistemi i menaxhimit të bazës së të dhënave me plotësim të normës në FShK për shkrim akademik.
Kurse, në fakultetin e shkencave kompjuterike kërkohet një mësimdhënës për nivelin master, në E-Qeversija.
Lëndët të cilat kërkohen për këtë drejtim janë; informatika sociale, arkivimi digjital dhe sistemet e informimit, programet aplikative në E-Qeverisje, programi dhe E-Qeverisja, databaza për E-Qeverisja dhe zhvillimet në cloud.
Kërkohet edhe një mësimdhënës për lëndët nga fusha e shkencave kompjuterike në niveline master – Sistemet e Kontrollit dhe Intelegjenca Artificiale.
Lëndët të cilat kërkohen për semestrin dimror janë; sistemet matëse dhe metrika, sistemet e bazuara në senzorë, mekatronikë, derisa për atë verorë, kërkohen lëndët; senzorët dhe elektronika, automatizmi Industrial dhe Intelegjenca Artificiale. Gjithashtu, kërkohet edhe për lëndët në teorinë e kontrollës dhe praktika, përpunimi digjital i sinjaleve, kontrolli optimal për sistemet lineare, deep learning – metodat e aplikimit, Teoria dhe metodologjia e shkencës me aplikacione dhe përpunimi i komunikimit me audio.
Ndryshe, kandidatët të cilët paraqiten në konkurs duhet ta posedojnë kërkesën, biografinë (CV), kopjen e diplomës së studimeve themelore, masterit dhe doktoraturës – të noterizuara (Kandidatët e brendshëm të UKZ-së nuk kanë nevojë t’i sjellin këto dokumenta), certifikatën e notave në tri nivelet e studimit (kandidatët e brendshëm të UKZ-së nuk kanë nevojë t’i sjellin), certifikatën e lindjes, certifikatën e shtetësisë.
Dorëzimi i dokumentave ka filluar qysh dje, me datë 30.07.2024 dhe mbetet i hapur për 15 ditë, deri me datën 14.08.2024, në ora 16:00. /Telegrafi/