Një delegacion i biznesmenëve dhe inovatorëve nga Gjermania kanë vizituar Universitetin “Fehmi Agani” në Gjakovë, ku u diskutuan mundësitë e shumta të bashkëpunimit dhe investimeve në këtë rajon.
Delegacioni u prit nga Rektori Bunjaku, së bashku me Prorektoren Kusari, Prof. Vala-Këndusi, Sekretarën e përgjithshme znj. Sina-Pruthi dhe anëtarë nga radhët e personelit dhe studentët e universitetit.
Gjatë takimit, Rektori Bunjaku iu uroi mirëseardhje mysafirëve dhe i informoi ata për strukturën akademike të universitetit, fakultetet dhe programet studimore.
Ai shprehu gatishmërinë e institucionit për të mbështetur çdo iniciativë që sjell zhvillim ekonomik dhe inovacion në rajon.
Po ashtu Rektori Bunjaku, i ftoi biznesmenët Gjermanë që t’i fokusojnë investimet e tyre në Gjakovë, duke e cilësuar këtë qytet si një mundësi të shkëlqyer për shkak të pozicionit gjeografik dhe potencialit të fuqisë së lirë punëtore të kualifikuar.
Sipas përfaqësuesve të Universitetit “Fehmi Agani” ky takim shënoi një hap të rëndësishëm drejt bashkëpunimeve strategjike ndërkombëtare dhe përforcimit të rolit të Universitetit “Fehmi Agani” në Gjakovë.