Manchester United thotë se mbetet në rrugën e duhur për të hyra rekord për vitin aktual.
Sipas BBC Sport, klubi i ka bërë të ditur të ardhurat ku tregohet gjendja financiare.
Të ardhurat këtë tremujor ishin 157.9 milionë euro, dhe ka rritje për 18% nga viti i shkuar në këtë periudhë kur kishte të ardhura 133.8 milionë euro.
Klubi tani pret të ardhura rreth 540 milionë funte në vit.
“Fuqia e modelit tonë për biznes vazhdon të pasqyrohet me rezultate të forta në këtë tremujor. Jemi në rrugën e duhur që të thyejmë rekord për këtë vit”, ka thënë Ed Woodward.
Nga të drejtat televizive dhe biletat e ndeshjes, klubi ka tubuar 66.8 milionë euro aq sa kishte edhe vitin e shkuar.
Një rritje është bërë edhe nga marrëveshja me kompaninë e veshmbathjeve sportive Adidas.
Klubi gjithashtu tha se në këtë tremujor janë nënshkruar tri marrëveshje të mëdha sponsorizimi, me partneritete të reja me Deezer dhe Mlily, dhe rinovimin e një marrëveshje me Y Toro. /Telegrafi/