Manchester United tani mund të shqyrtojë shkëputjen e kontratës së Cristiano Ronaldos, i cili ka një vit të mbetur në “Old Trafford” nëse nuk shohin një ndryshim në qëndrim, pretendon një raportim i ri.
Portugezi ka treguar dëshirën për t’u larguar nga Djajtë e Kuq këtë verë pasi dëshiron të luajë rregullisht në Ligën e Kampionëve, sipas shumë raportimeve gjatë muajve të fundit.
Një paraqitje dhe rezultat i tmerrshëm kundër Brentford rezultoi që Cristiano Ronaldo të dilte nga fusha pas përfundimit të ndeshjes, duke injoruar tifozët e Unitedit dhe trajnerin Erik Ten Hag.
Tifozët kishin disa reagime ndaj pesë herë fituesit të Topit të Artë duke kritikuar qëndrimin e tij të dobët pas vërshëllimes së fundit.
Ronaldo ka qenë i lidhur me lëvizje në një numër klubesh këtë verë, megjithatë qëndrimi i United nuk ka ndryshuar dhe hierarkia këmbëngul se ai nuk është në shitje.
Megjithatë, një raportim i ri tani ka sugjeruar që United mund të konsiderojë përfundimin e kontratës së tij nëse qëndrimi i lojtarit nuk ndryshon.
Gazetari i Sky Sports, Kaveh Solhekol, raporton: “Ndjenja se situata me Ronaldon po shkon drejt një limiti. Ose ai do të duhet të ndryshojë qëndrimin e tij ose Manchester United do të duhet të ndërpresë kontratën e tij. Nuk mund të vazhdohet kështu. Askush në dhomën e zhveshjes nuk po e sfidon atë për shkak të statusit të tij”. /Telegrafi/