United tronditet nga lëndimet: Yoro tre muaj jashtë, ylli i sulmit do t’i mungojë gjashtë javë

Manchester United nuk po kalon aspak momente të mira në Shtetet e Bashkuara të Amerikës ku po përgatitet për sezonin e ri.

Gjiganti anglez ka marrë lajme të këqija sa i përket lëndimeve, pasi dy yjet e skuadrës do t’i mungojnë gjatë.

Transferimi i ri, Leny Yoro u lëndua ndaj Arsenalit dhe ai do t’i mungojë gjatë Djajve të Kuq.

Lexo po ashtu Leny Yoro shihet me paterica pas lëndimit në këmbë, pritet ta humbasë fillimin e sezonit

Tanimë është konfirmuar që Yoro do të mbetet jashtë fushave të blerta për tre muaj dhe kjo është një goditje e madhe për Djajtë e Kuq.

Sikur mos të mjaftonte lëndimi i Yoros, Djajtë e Kuq kanë humbur edhe shërbimet e sulmuesit Rasmus Hojlund.

Danezi do t’i mungojë skuadrës së Erik Ten Hag për gjashtë javë, duke humbur fillimin e sezonit.

Lëndimet e dy yjeve të skuadrës do të bëjnë që United t’i ndryshojë edhe planet e transferimeve. /Telegrafi/