Manchester United janë rikthyer te fitoret në Ligën Premier, pasi kanë mposhtur Brentfordin në Old Traford me rezultat të pastër 3-0.
Vetëm pas nëntë minutave lojë vendasit gjetën golin e parë në këtë ndeshje.
Ishte talenti Elanga që asistoi për mrekulli për Bruno Fernandes i cili realizoi për t’ia dhënë epërsinë e parë Djajve të Kuq në këtë takim.
Për mesfushorin portugez ky ishte goli i 50-të me fanellën e Manchester United që pas transferimit të tij në verën e vitit 2020.
A half-century of goals in United colours for @B_Fernandes8! ⚽️🙌#MUFC | #MUNBRE pic.twitter.com/fVd4j5zRDD
— Manchester United (@ManUtd) May 2, 2022
United krijoi raste të tjera, por pa arritur të dyfishonte epërsinë, pasi goli i Cristiano Ronaldos në minutën e 44-të u anulua nga VAR.
Me epërsinë minimale 1-0 përfunduan 45 minutat e para të kësaj sfide.
United në pjesën e dytë shënoi edhe dy gola të tjerë për t’i marrë tri pikë.
Cristiano Ronaldo u përkujdes në minutën e 61-të për ta dyfishuar epërsinë e United në 2-0.
Vetëm 11 minuta më vonë, qendërmbrojtësi francez Raphael Varane shënoi golin e parë me fanellën e United dhe të tretin në këtë sfidë për 3-0.
C’est magnifique! 🇫🇷 #MUFC | #MUNBRE pic.twitter.com/nUhlScy8uM
— Manchester United (@ManUtd) May 2, 2022
Deri në fund të ndeshjes, gola më nuk pati dhe United u rikthye te fitoret pas tri ndeshjeve.
Me këto tri pikë, Manchester United mbetet në vendin e gjashtë në tabelë me 58 pikë të tubuara, por me gjasa shumë të vogla për të zënë një vend në Ligën e Kampionëve. /Telegrafi/
18th goal of the season for Cristiano Ronaldo in the Premier League 🐐🔴 pic.twitter.com/5Wenmy8hDO
— United Zone Clips (@utdzonevid) May 2, 2022