Harry Redknapp e sheh Manchester Unitedin jashtë kualifikimit në Ligën e Kampionëve për sezonin e ardhshëm, pasi ata vazhdojnë të paraqiten dobët nën drejtimin e Jose Mourinhos.
Manchester United nuk kanë gjasa për të përfunduar brenda ‘Top katërshes’ të Ligës Premier këtë sezon, sipas ish-menaxherit të Tottenhamit, Harry Redknapp.
‘Djajtë e Kuq’ kanë luftuar për qëndrueshmëri që prej largimit të Sir Alex Ferguson, në vitin 2013, duke dështuar për të sfiduar për tituj të mëdha gjatë tre viteve të fundit, teksa kualifikimi i sivjetmë do të ishte sukses sipas Redknapp.
“Unitedi nuk janë të mirë për momentin. Kur e shikoj skuadrën, ata nuk më tërheqin. Unitedi duhet të jetë i lumtur nëse përfundon në top katërshe”, ka thënë Redknapp për Betsafe, përcjell Telegrafi.
“Ata do të përfundojnë në top gjashtë. Nuk e di nëse do të arrijnë të jenë në top katërshe”. /Telegrafi/