Jese Lingard mendon që skuadra e tij mund të sfidoj titullin e Ligës Premier.
Mesfushori anglez është i kënaqur me ndeshjet e fundit të skuadrës së tij dhe mendon se nëse vazhdohet me këtë ritëm atëherë ‘Djajtë e Kuq’ mund të sfidojnë titullin e Ligës Premier.
“Nëse djemtë qëndrojnë së bashku dhe fitojmë ndeshjet, unë nuk shoh se pse ne nuk mund të jemi në një pozicion të mirë në maj dhe të sfidojmë titullin”, ka thënë 24-vjeçari për faqen zyrtare të klubit.
“Ne kemi gjetur ritmin e ndeshjes sonë tani. Shumë lojtarë janë duke luajtur rolin e tyre, duke ndihmuar të fitojmë ndeshje”.
“Mendoj se mbrojtja ka qenë shumë e mirë për ne, sidomos gjatë tri ose katër ndeshjeve të fundit”, përfundoi Lingard. /Telegrafi/