Manchester United ka arritur fitore në Old Trafford ndaj Evertonit me rezultat 1-0.
Kjo ishte një fitore plotësisht e merituar për Djajtë e Kuq pasi ata ishin dukshëm skuadra më e mirë në fushë.
Pjesa e parë ishte pa gola, por vendasit rrezikuan dy herë me Anthony Martial.
Pjesa e dytë ishte më atraktive dhe goli i vetëm në këtë ndeshje erdhi nga anësori Martial në minutën e 54, pas një asistimi të bukur nga Timothy Fosu-Mensah.
Evertoni me të gjithë forcat provoi të marrë një barazim, por David de Gea arriti të mbajë portën e paprekur.
Pas kësaj fitore Manchester Unitedi ngjitet në pozitën e pestë me 53 pikë, apo një më pak se City një pozitë më lartë. Kurse Evertoni vazhdon në vendin e 12 me 30 pikë.
Ndeshja e ardhshme e ekipit të drejtuar nga Louis van Gaal është ndaj Tottenhamit. /Telegrafi/
1-0: Anthony Martial i jep Manchester Unitedit epërsinë ndaj Evertonit.
Posted by Telegrafi Sport on Sunday, 3 April 2016