Site icon Telegrafi

United fiton me vështirësi te Sheffield dhe ngritët në tabelë

Romak Zeqiri

Manchester United ka marrë një fitore më vështirë se që është menduar në letër ndaj Sheffield United.

Skuadra e fundit në tabelë ishin nikoqir të Djajve të Kuq të cilët triumfuan me rezultat të ngushtë 2-3.

Megjithatë vendasit kaluan të parët në epërsi, kur David McGoldrick realizoi për 1-0 në minutën e pestë pas gabimit nga Dean Henderson.

Megjithatë gëzimi i vendasve nuk zgjati më shumë se 20 minuta, pasi Marcus Rashford shfrytëzoi për mrekulli një pasim nga Lindelof dhe shënoi për të barazuar shifrat në 1-1.

United riktheu gjithçka në të mirë të vet, kur Anthony Martial realizoi në minutën e 33-të për epërsinë e parë të Djajve të Kuq.

Me epërsinë e ngushtë 1-2 të United, skuadrat shkuan në pushim prej 15 minutave.

Djajtë e Kuq e nisën për mrekulli pjesën e dytë, kur një bashkëveprim i mirë mes Martial e Rashford bëri që anglezi të realizoi për 1-3.

Krejt çfarë bënë vendasit deri në fund ishte edhe goli i dytë i realizuar nga David McGoldrick për rezultatin përfundimtar 2-3.

United me këtë fitore ngritët në vendin e gjashtë në tabelë me 23 pikë, ndërsa Sheffield mbetet në fund të tabelës me vetëm një pikë. /Telegrafi/

Exit mobile version