Site icon Telegrafi

Umtitit i rikthehet lëndimi, nuk udhëton në Pragë

Samuel Umtiti (Foto: Juan Manuel Serrano Arce/Getty Images/Guliver)

Samuel Umtiti dhe Sergi Roberto janë lënë jashtë skuadrës së plotë të Barcelonës për ndeshjen e të mërkurës kundër Slavia Pragës në kuadër të Ligës së Kampionëve.

Qendërmbrojtësi u kthye në aksion gjatë fundjavës kundër Eibarit në mungesë të Gerard Pique dhe kjo ishte ndeshja e parë e sezonit për të.

Lexo po ashtu Umtiti po lufton për karrierën e tij te Barcelona

Mirëpo, duket se lëndimi në gju është rikthyer dhe ai do të mungojë sërish, duke mos qenë në gjendje të luajë të mërkurën mbrëma.

Samuel Umtiti (Foto: Octavio Passos/Getty Images/Guliver)

Umtiti zhvilloi vetëm 14 ndeshje në La Liga në edicionin e kaluar, ndërsa kishte shkuar në Doha të Katarit për t’u shëruar, ashtu që Clement Lenglet ia kishte zënë vendin e startuesit. Dhe problemet e vazhdueshme me lëndim do të thonë se qëndrimi i 25-vjeçarit në Camp Nou është në rrezik.

Skuadra e plotë e Barcelonës: Ter Stegen, N. Semedo, Pique, I. Rakitic, Sergio, Todibo, Arthur, Suarez, Messi, O. Dembele, Neto, Lenglet, M. Wague, Griezmann, Jordi Alba, F. De Jong, Vidal, Junior, Inaki Pena, Ansu Fati.

/Telegrafi/

Exit mobile version