Ukrainasit duan të shkojnë në Kupën e Botës në vend të Iranit, ndërsa të njëjtën gjë kërkon edhe Italia.
Njeriu i parë i Shakhtarit, Serhij Pelkin, u ankua në FIFA dhe kërkoi përjashtimin e Iranit nga Kupa e Botës. Si arsye, ai përmendi faktin se Irani po merr pjesë në një sulm të armatosur në Ukrainë.
Kjo i inkurajoi edhe italianët. Përkatësisht, ambasadori italian në Kombet e Bashkuara, Maurizio Massari, i ka dërguar një letër presidentit të FIFA-s, Gianni Infantino.
Ai po kërkon gjithashtu që Irani të përjashtohet nga Kupa e Botës. Italia shpreson të zërë vendin e tij si kampione evropiane nëse FIFA merr një nga vendimet më të mëdha në historinë e saj.
Rregullat e FIFA-s janë të qarta. Në rast se Irani largohet nga Kupa e Botës, ai mund të zëvendësohet vetëm nga një vend nga e njëjta konfederatë, dhe ky do të ishte Emiratet e Bashkuara Arabe.
Irani është në Grupin B dhe atje do të luajë me Anglinë, SHBA-në dhe Uellsin. /Telegrafi/