Kur në fillim të edicionit të kaluar qarkullonin lajme se ka persona që kanë vënë bastore për t’u bërë Leicesteri kampion , për shumë kë ishte diçka qesharake, se si mund të bëhet kampion një skuadër që në fund të sezonit kishte siguruar mbijetesën.
Por, qesharake kanë mundur të jenë edhe bastet e vëna që Uellsi të fitojë Euro 2016, duke mos u konsideruar aspak skuadër favorite.
Pot sot vetëm dy ndeshje e ndajnë një bastvënës për të fituar një shumë të madhe të hollash, i cili ka besuar se Uells mund ta fitojë Kampionatin Evropian.
Në tetorin e vitit të kaluar, një bastvënës ka paguar dy funte që Uellsi të fitojë Euro 2016, dhe nëse kjo ndodh, ai do të pasurohet për 5000 funte, transmeton Indeksonline.
Uellsi ka bërë befasinë në këtë Evropian, ku sonte përballë Portugalisë do të kërkojë kalimin në finalen e madhe të 10 korrikut.