Njëri prej lojtarëve kryesor të Uellsit, Aron Ramsey, beson që përfaqësuesja e tij do të befasojë në Euro 2016.
Uellsi është në grup me kombëtare të forta si Sllovakinë, Anglinë e Rusinë.
“E kemi pritur këtë moment për një kohë të gjatë. Kualifikimi për në Evropian është një ëndërr e bërë realitet. Jam shumë krenar për këtë skuadër. Kemi shumë lojtarë cilësorë dhe besoj se ky është vetëm fillimi i një rruge të gjatë dhe të suksesshme”.
Më tej 25-vjeçari deklaron se Uellsi nuk i trembet rivalitetit me Kombëtaret e tjera të mëdha, pasi skuadra e tij i ka të gjithë elementët e duhur për t’u përballur me to.
“Gjatë fazës së grupeve në treguam se jemi një grup i konsoliduar. Belgjika është një ndër tre Kombëtaret më të mira të këtij evropiani dhe në përballë tyre arritëm një fitore dhe një barazim. Nisur nga kjo, besoj se pavarësisht se cilën skuadër do të kemi përball, jam i sigurt se do të dimë t’ia dalim”.