Me rikthimin e Ligës së Kampionëve për fazën e eliminimit direkt, UEFA ka përgatitur një befasi për klubet që e arrijnë finalen.
Gara më e madhe për klube në Evropë çdo herë ka zgjuar emocione të mëdha për tifozët, andaj shtëpia e futbollit evropian ka vendosur t’i shpërblejë skuadrat finaliste.
Kështu ka vendosur presidenti i UEFA-s, Aleksander Ceferin, duke shpjeguar se kjo do të jetë mënyra “për t’i falënderuar dhe për t’i shpërblyer për mbështetjen e tyre ndaj futbollit europian gjatë krizës për shkak të pandemisë COVID-19”.
Më konkretisht, UEFA ka specifikuar se 10.000 bileta do të shkojnë falas për tifozët e dy klubeve finaliste në Ligën e Kampionëve (5.000 për secilin klub). 8.000 bileta të tjera do të shpërndahen për finalistët e Liga e Evropës (4.000 për secilin klub) dhe 6.000 mijë bileta do të shpërndahen për finalistët e Ligën e Konferencës (3.000 për secilin klub). 6.000 bileta të tjera do të shkojnë për finalen e Ligën e Kampionëve për femrat (3.000 për secilin ekip)
Në total, pra, biletat për finalet e UEFA-s që konfederata evropiane do t’u japë tifozëve do të jenë 30.000.
UEFA specifikon në një shënim se “çdo ekip finalist do të mund të përdorë këto bileta falas për të shpërblyer tifozët e tyre më besnikë (d.m.th. ata që janë abonuar për kohën më të gjatë, ata që kanë ndjekur numrin më të madh të ndeshjeve jashtë, etj.), por këto bileta nuk mund t’u jepen sponsorëve, partnerëve ose punëtorëve të klubit. /Telegrafi/