Kryesisht meshkujt kanë frikë kur u pëlqen ndonjë vajzë, andaj shpesh takimi shndërrohet në katastrofë totale.
Është mirë të dini se si merrni qëndrim dhe në cilën mënyrë ta joshni vajzën, e cila ju ka pëlqyer, madje edhe pa asnjë fjalë të vetme, transmeton Telegrafi.
Nëse jeni duke u bërë gati të dilni me shoqëri, ndërsa akoma jeni duke kërkuar një vajzë, këto janë këshillat për ju.
Nëse uleni…
Nëse uleni për të pirë ndonjë pije, qëndroni ulur qetësisht me këmbë të shtrira. Bërrylat patjetër largoni nga trupi dhe mos tregoni shenja nervoze. Nëse ju jepet rasti, njërën dorë qiteni mbi karrige, do të dukeni më të shkujdesur dhe më tërheqës.
Buzëqeshja
Buzëqeshja konstante, posaçërisht nëse bëhet dhunshëm, nuk është joshëse për femrat.
Nëse jeni në shoqëri me miq…
Përdorni një shaka të mirë apo diçka ngjashëm që mikut tënd t’ia rrahësh krahët. Kjo është shenjë dominimi në shoqëri.
Lëmojeni mjekrën
Gjatë ndejës, posaçërisht nëse keni gjuajtur ndonjë shikim dhe dini që po ju vështron, disa herë lëmojeni mjekrën. Kjo ka lidhje me testosteronet, konsiderojnë shkencëtarët, mirëpo kështu do t’ia “rikujtoni” maskulitetin tuaj.
Gjuani shikimin
Sillni shikimin “vërdallë”, mirëpo nëse e takoni me shikim në ndonjë çast, keni gjasa të mira. Mbani kontaktin me sy, jeni më joshës se meshkujt e tjerë përreth jush.
Ndiqni sinjalet e saj
Nëse të gjitha letrat i keni lozur mirë, do të vëreni interesimin e saj ndaj jush dhe shenjat të cilat ajo tani jua dërgon juve. Nëse ngre vetullat derisa ju shikon, i vë flokët pas veshi, është e gatshme t’ju njohë më hollësisht. /Telegrafi/