Napoli pësoi një disfatë të rëndë në përballjen me Hellas Verona me rezultat 3:0 në debutimin e Antonio Contes si trajner i napolitanëve në xhiron e parë të Serisë A.
Sigurisht që askush nuk e priste një humbje të tillë të Napolit, për më tepër kur dihet se Conte është një trajner që i jep rëndësi të madhe mbrojtjes.
I dëshpëruar dhe i zhgënjyer nga mungesa e përforcimeve, disfata e rëndë dëshmoi se Conte, i cili humbi në xhiron e parë të Serisë A për herë të parë në karrierë, kishte të drejtë në deklaratat e tij të mëparshme për zhvillimet në skuadër.
Trajneri italian i ka kërkuar falje tifozëve, duke thënë se në pjesën e dytë u shkrinë sikur bora në diell.
“U kërkojmë falje tifozëve të Napolit. Kjo ishte e turpshme. Ne u shkrimë në pjesën e dytë si bora në diell”, tha Conte pas ndeshjes.
Pa Osimhen, statusi i të cilit në klub nuk është zgjidhur dhe me Kvich Kvaratskhelia e lënduar në pjesën e parë, Napoli dukej larg një ekipi serioz dhe është e qartë se shumë gjëra në klub nuk janë në rregull.
Conte e pret një punë e vështirë në përpjekje për të rikthyer napolitanët në krye pas një sezoni zhgënjyes të kaluar në të cilin ata përfunduan në vendin e dhjetë.
Ndeshjen e radhës Napoli e zhvillon para tifozëve të vet ku është nikoqir i Bolognës. /Telegrafi/