Sergio Ramos është duke kaluar ndoshta momentin më të vështirë në karrierë, pas largimit nga Real Madridi.
Eksperienca në Paris nuk po shkon aspak ashtu siç pritej, lëndimet nuk e kanë lënë të qetë mbrojtësin, duke shkaktuar pakënaqësi te tifozët që po shohin shumë rrallë në fushë atë që pritej të ishte lideri i mbrojtjes.
Pas një lëndimi që e la jashtë fushave për gati dy muaj, Ramos është rikthyer mbrëmë në fushë.
Në minutën e 72-të, spanjolli futet në fushë duke zëvendësuar Marquinhos, por u prit me fishkëllima nga tifozët.
Jo vetëm kaq, por zhgënjimi i tifozëve është aq i madh sa fishkëllenin sa herë që ai prekte topin. /Telegrafi/
Sergio Ramos is getting whistled & booed with every touch of the ball by PSG fans.#PSG #PSGFCLpic.twitter.com/7uNIrAYjBI
— Ronald Morgan (@ronaldmorgan_) April 3, 2022